பெர்னாமாவும் ஆசிய பசிபிக் சீன ஊடக குழுமமும் ஒப்பந்தத்தில் கையெழுத்திடும்

கோலாலம்பூர், 07 மே (பெர்னாமா) -- மலேசியாவிற்கும் சீனாவிற்கும் இடையிலான அரச தந்திர உறவின் 50-ஆம் ஆண்டு நிறைவை முன்னிட்டு மலேசிய தேசிய செய்தி நிறுவனம், பெர்னாமாவும் ஆசிய பசிபிக் சீன ஊடக குழுமத்திற்கும் - இடையில் புரிந்துணர்வு ஒப்பந்தம் ஒன்று கையெழுத்திடப்படவிருக்கிறது.

வியூக பங்காளியாக, அவ்விரு நிறுவனத்திற்கும் இடையிலான நட்புறவை அதிகாரப்பூர்வ நிலைக்கு கொண்டு செல்லும் வகையில் இந்த ஒப்பந்தம் கையெழுத்திடப்படவுள்ளது.

செய்தி தொழில்நுட்பத்திற்கான செயற்கை நுண்ணறிவு உட்பட அவ்விரு ஊடக நிறுவனங்களுக்கும் இடையில் தொலைக்காட்சி ஒளிபரப்பிற்கான செய்தி மற்றும் தகவல் பரிமாற்றத்தை இந்தப் புரிந்துணர்வு ஒப்பந்தம் உள்ளடக்கி இருக்கும்.